 | | |
| | |
|
Spaces home  sharamakPhotosProfileFriendsMore |  Tools   |
|
|
sharamakSeptember 10 中學同學聚會先多謝梁同學幫我補回對你0既內疚~我其實咁多年都好過意唔去,而家終於都有返隻警察小熊喇!希望你會知道啦,
另外好開心可以同班舊同學聚舊,雖然我有少少發燒但係我點都出!同學聚會嘛!好少攪lo!最多以後攪多d啦~
重有睇0黎就快比紅色炸彈炸死我架喇!!
September 07 勁開心同屋企人食lunch buffet很久很久冇一家人齊齊整整地食飯,曾經比一個佔據大部人私人時間變左好少陪到屋企人,加上夜晚收工太夜都冇可能同同屋企人食到飯!可以一齊食飯係好難得0既事!雖然前一晚我玩到3,4點又勁嘔,不過我今日9點就起左身同家姐睇樓之後再回家沖個涼就去!!d野食好好味呀!美中不足係前晚嘔完個胃唔舒服lo~如果唔係可以再食多d!!好開心呀
一直好想del所有有關果個人在msn space0既相,將呢件事同一個新相識0既朋友講,佢話唔洗del !雖然我都覺得好花時間同好煩!佢話呢一d係回憶!回憶要留住!佢話佢同之前個女朋友整左個blog,都唔會delete啦~咁又係雖然唔係話好美好回憶,但係刪掉回憶又真係感覺太沉重~明明曾經深愛對方,點解要走0既時候,係可以做一d事情去傷害對方!我真係攪唔清楚
August 02 再見黎sir尋晚同一大班保安同事同中更保安主管食飯,佢唔做lu~呀.............我好傷心!!黎sir佢超好成日都幫我架!!當我係女咁!又成日幫我搬搬抬抬,唉佢都一把年紀都咁好人.....除左長氣d之外佢真係乜都好好.你地睇下........食飯都要同同事briefing!!哈哈!不過都好難得早,中,夜班主管都齊人!呢個情況好似開村之後都未試過,好開心0既一晚!
April 06 復活節假期今個easter hoilday認真busy!
假期第一天去左打war game!!!哈哈哈哈!!手刃仇人呀!!!好玩!!
第二天上午至下午要返公司清倉因有貴客假期後到!晚上同左跳中國舞班姐妹bbq!!之後重食甜品!!好開心呀
第三天一訓訓到4點,之後同肥b屋企人去左南Y島食海鮮!!好味呀!
最後一天訓醒都3點,打比carol約佢睇戲,夜晚同肥b去左睇家姐比飛0既極品好男人音樂會有潘瑋柏,孫耀威同張敬軒!!都唔錯!好開心可以見到老孫出番0黎唱歌!!很感動!!我小學果時好鍾意佢架!! March 24 兩周年紀念3月9日係我地0既拍拖兩周年紀念，冇特別慶祝，因為我感冒食左藥暈陀陀的。睇相見我眼都撐唔大就知，都係行下街食餐飯咁。不過最開心係發現尖沙咀開左鼎泰豐呀!當然要即刻去食啦。入到去真係令我憶起到台灣旅行0既時候。因為佢大部份0既員工都係由台灣調來0既!吃一口擔擔麵.............嘩................係台灣好濃郁0既麻醬味!!!係我最愛0既味道!!肥仔當然叫左佢最喜歡0既小籠包啦,如以往一樣佢都係會夾起個小籠包頂然後勁fing佢,當然結果都係一樣唔會爆開............呢d咪係極品lor!!皮薄多汁!!超開心呀................. February 15 2008情人節去左邊今年情人節我同肥仔去左迪士尼玩左一日,因為我覺得與其一千幾百食餐飯食完重要得陣風咁唔知食左乜倒不如用0的錢去玩啦,所以就攞假去喇!
其次又有0的新年同情人節野影下，有得玩,有巡遊,有drama同煙花睇，講真我地兩個都覺得好過比餐廳賺我地0的錢。
其實我都好鍾意去迪士尼,聽到佢d音樂個人都relax 0的!!總覺得迪士尼係一個可以逃避壓力0既地方。我見到d工作人員都係對住我笑我覺得佢地都好好起碼令我覺得快樂。其實好可能佢地內心有唔開心，但我都見佢地會笑住落力表演。我叫肥仔同d巡遊表演者多點揮揮手同公仔影相時笑得開心0的，佢話我低能，我同佢講人地表演得好辛苦架要比0的反應人地,開心0的啦!平時做野已經壓力大好唔開心,日日都要提防，難得有人落力去逗我地開心應該要欣賞人地嘛。就正如你好比心機做樣野比老細睇為左乜先?都想佢讚你好架!一樣道理姐!我比心機整好公司d花草樹木都想d客讚架,如果彈我我真係好傷心架!
到最後情人節0既景就冇但春節0既氣氛就有喇重有0的相應0既節目如live show,舞龍咁都唔錯!!不過就買左0的情人節商品啦!都好開心架!! June 13 | ||
Invite as friend