sharamak

今個easter hoilday認真busy!

假期第一天去左打war game!!!哈哈哈哈!!手刃仇人呀!!!好玩!!

第二天上午至下午要返公司清倉因有貴客假期後到!晚上同左跳中國舞班姐妹bbq!!之後重食甜品!!好開心呀

第三天一訓訓到4點,之後同肥b屋企人去左南Y島食海鮮!!好味呀!

最後一天訓醒都3點,打比carol約佢睇戲,夜晚同肥b去左睇家姐比飛0既極品好男人音樂會有潘瑋柏,孫耀威同張敬軒!!都唔錯!好開心可以見到老孫出番0黎唱歌!!很感動!!我小學果時好鍾意佢架!!

3月9日係我地0既拍拖兩周年紀念，冇特別慶祝，因為我感冒食左藥暈陀陀的。睇相見我眼都撐唔大就知，都係行下街食餐飯咁。不過最開心係發現尖沙咀開左鼎泰豐呀!當然要即刻去食啦。入到去真係令我憶起到台灣旅行0既時候。因為佢大部份0既員工都係由台灣調來0既!吃一口擔擔麵.............嘩................係台灣好濃郁0既麻醬味!!!係我最愛0既味道!!肥仔當然叫左佢最喜歡0既小籠包啦,如以往一樣佢都係會夾起個小籠包頂然後勁fing佢,當然結果都係一樣唔會爆開............呢d咪係極品lor!!皮薄多汁!!超開心呀.................

今年情人節我同肥仔去左迪士尼玩左一日,因為我覺得與其一千幾百食餐飯食完重要得陣風咁唔知食左乜倒不如用0的錢去玩啦,所以就攞假去喇!

其次又有0的新年同情人節野影下，有得玩,有巡遊,有drama同煙花睇，講真我地兩個都覺得好過比餐廳賺我地0的錢。

其實我都好鍾意去迪士尼,聽到佢d音樂個人都relax 0的!!總覺得迪士尼係一個可以逃避壓力0既地方。我見到d工作人員都係對住我笑我覺得佢地都好好起碼令我覺得快樂。其實好可能佢地內心有唔開心，但我都見佢地會笑住落力表演。我叫肥仔同d巡遊表演者多點揮揮手同公仔影相時笑得開心0的，佢話我低能，我同佢講人地表演得好辛苦架要比0的反應人地,開心0的啦!平時做野已經壓力大好唔開心,日日都要提防，難得有人落力去逗我地開心應該要欣賞人地嘛。就正如你好比心機做樣野比老細睇為左乜先?都想佢讚你好架!一樣道理姐!我比心機整好公司d花草樹木都想d客讚架,如果彈我我真係好傷心架!

 

到最後情人節0既景就冇但春節0既氣氛就有喇重有0的相應0既節目如live show,舞龍咁都唔錯!!不過就買左0的情人節商品啦!都好開心架!!

最開心係在飛機買到長榮航空0既空姐制服hellokitty呀!!超開心

終於都肯的起心肝去upload花車巡遊0既相,今次0既感受比上次跳舞表演深左dd

原因係人多左好多,我亦認識到更多其他大廈0既同事,同埋啟勝0既同事!

!而我地康業0既22位同事亦都好充份發揮大家0既康業互相幫助0既精神

令到大家都最終可以0係一個都冇反錯牌0既情況之下順利完成今次0既表演!!

到頭來我發覺有時候康業0既自生自滅0既方式原來亦令我地真真正正會大家互相提點

互相幫忙,而呢一點係啟勝係唔會發生0既!!

辛辛苦苦終於完成左1月31日0既團年飯表演,各姊妹們大家相約13/2一齊唱k慶祝下順便慶祝2個伙伴0既生日lor

今次表演0既綵排真係好辛苦,但係就識左一班好姊妹!!想番起大家呢一個月來由唔識到互相照應到而家大家做左好朋友真係好開心

因為其實我地都係一班比人掉出去自生自滅0既人,冇乜人理我地,好彩大家都可以發揮團結0既力量,所以諗番起都幾感動下!!因為都真係好辛苦下

不過我而家接受0既任務重辛苦過呢次!!唉...............我要快d病好!!加油!!

聖誕節有乜做?當然係去harbour city影相啦!!可惜大門口真係好好好好多人,所以冇影到

早前同麥小珠去左城門水塘影相相!!!希望0係小珠重精神0既時侯同佢影番d相留念!!

在此~萬分感謝我一位好好人0既同事仔RUDY~

佢影相真係好靚!!!!!!

今日終於榮升阿姨級!!劉小B終於順利出世lu~

直到今天，我跟您在一起已有半年了......

下午一點去左睇加啦比魔盜王啦.........之後去左太古睇果個水族廣場,都冇野睇0既~

夜晚就去左soho區食飯!!

而今日都冇出去同朋友食飯,因為是日七月十四,不宜出街.................

冇錯~~我生日0既第一項節目係去飲pinky小姐結婚酒!!

北京道一號無敵大海景!!

好開心~同一大班合唱團同事嘻嘻哈哈一晚!!

甜品係白兔仔!!好可愛呀!!

今日番薯換左成套18隻hello kitty 0既kittybrick 比我,個袋都好靚呀!!

不過就難為佢以後0既日子要勁食好多麥記,因為都有成百四蚊cash coupon

因為我重有咳0既關係今日都係再去睇多次靚女醫生!!之後食完野行左一陣啦,買左條marie電話繩呀,我重將電話繩個packing cut左出0黎放左去電話後面!!後尾比我發現有一套5隻0既kitty扭蛋公仔!好好好靚架!!

要90蚊!!haha

明天就係2期認証0既大日子!!各有各忙!!!d師傅勁油油~唔係您呀柔柔~真係油漆油呀!!

真係15分鍾油一層走廊天花都幾堅下!!重有勁玩花啦!!清潔阿姐勁洗野啦!!噴水池又洗,會所又洗,乜都洗!!

總之總動員整過天昏地暗!!連d管理員都要走去鋪石春!!目的都係為左明天大老細出巡!!就連會所餐廳個廚師都要一早番去整個冰糖雪蛤糕過班老細嘆下!講左咁耐都好似冇我份做野咁!!

當然唔係啦...............我一大早就去左花墟買鮮花,一整就整左成日!所有花都放會所茶几同埋餐枱!!!

一次過起9盆!!死咁滯呀!!